lawr-lwytho
Towyn a Bae Cinmel
Mae gan y rhan brysur hon o’r arfordir, filltiroedd o draeth hir a thywodlyd ac mae’n cynnig hwyl glasurol i deuluoedd. Mae Bae Cinmel yn boblogaidd ar gyfer canŵio a bwrdd hwylio, ac mae’r Foryd dlos yn boblogaidd gyda hwylwyr a physgotwyr O’r harbwr yma y lansiwyd y gwasanaeth hofranlong cyntaf. Gerllaw mae difyrion ac adloniant Tywyn yn boblogaidd iawn gyda’r ymwelwyr. Mae’r ardal yn adnabyddus i filoedd lawer fel canolfan gwersylla a charafanio. Ewch i Gae Ras Tir Prince a Ffair Knightly’s i gael rhywbeth i ddiddanu’r teulu i gyd.
Wyddech chi?
Mae teithiau bywyd gwyllt awr o hyd ar gael yng Nghonwy ar fwrdd y cwch mawr Princess Christine. Mae’r aber wedi’i dynodi’n safle o bwysigrwydd Ewropeaidd oherwydd ei chyfoeth o adar a chreaduriaid y môr.
Mae arfordir Cymru’n 750 o filltiroedd o hyd (gan gynnwys yr holl rannau igam-ogam).
Ceir nythfeydd i filoedd o adar y môr ar greigiau’r Gogarth a Rhiwledyn, a’r rheini’n cynnwys Gwylogod, Gwylanod Coesddu a Gweilch y Penwaig.
