lawr-lwytho
Bae Colwyn
Mae canol tref Bae Colwyn yn llawn prysurdeb ac mae holl enwau cyfarwydd y stryd fawr i’w gweld yma yn ogystal â siopau annibynnol, lleoedd bendigedig i fwyta a marchnad ffermwyr wythnosol sy’n boblogaidd iawn. Ddeng munud i ffwrdd o ganol y dref ceir tawelwch Nant y Glyn. Ac ym Mharc Eirias ceir canolfan hamdden, llain bowls a chyrtiau tennis dan do. Ewch am lan y môr i fwynhau’r traeth tywod glân a’r man sydd wedi’i neilltuo ar gyfer jet-sgis, a gallwch roi cynnig ar bysgota o’r pier pan fydd y llanw i mewn. Neu ewch oddi wrth y môr i weld Sw Mynydd Cymru.
Llandrillo yn Rhos
Yn y dref lan môr hardd hon ceir harbwr prydferth gyda golygfeydd syfrdanol o Fôr Iwerddon. Mae’r dŵr yn hynod o lân a diogel, felly mae’n berffaith ar gyfer chwaraeon dŵr. Mae cyfleusterau yma ar gyfer hwylio, nofio a physgota. Gallwch fynd ar feic ar hyd llwybr yr arfordir. Gallwch chwarae golff o fewn golwg i’r môr. Neu ewch am dro ar hyd Llwybr Treftadaeth y dref i weld y mannau hanesyddol, gan gynnwys bryngaer Bryn Euryn. Mae’n werth dringo’r allt pe na bai ond i weld y golygfeydd syfrdanol.
Wyddech chi?
Mae Llwybr Arfordir Gogledd Cymru yn 60 milltir o hyd, ac mae’n ymestyn o Fangor i Brestatyn. Mae digon o arwyddion ar ei hyd ac mae’n cynnig cyfleoedd rhagorol i fynd am dro’n hamddenol neu i fynd ar deithiau cerdded pellach.
Mae cynifer â 10 o gyrsiau golff yn yr ardal - a llawer yn rhagor o fewn awr o daith mewn car.
Nid oes ond 27 milltir (43 km) o Landudno i Lanberis, ar droed yr Wyddfa.