Rhagair

Tripiau diwrnod

Sir fach yw Conwy, felly does dim rhaid ichi fynd yn bell i gael pethau difyr i’w gwneud a lleoedd i’w gweld. Mae gennym adloniant i blant ac i oedolion, fel Sw Mynydd Cymru a Gwarchodfa Natur yr RSPB Conwy yng Nghyfordd Llandudno, felly mae’n lle perffaith am ddiwrnod o hwyl i’r teulu. Ac mae gennym fannau rhamantus sy’n ddelfrydol i gyplau. Ewch i weld y gerddi hardd ym Modnant, neu dir gwyllt ac unig Gwarchodfa Natur Pensychnant, lle gallwch fod ar eich pen eich hun.

Rydym yn fawr ein gofal am ein treftadaeth, felly mae llawer o fannau hanesyddol hefyd. Ewch i weld castell a muriau canoloesol tref Conwy, sy’n un o Safleoedd Treftadaeth y Byd, neu’r gloddfa gopor gynhanesyddol ar y Gogarth.

Ac mae pob math o weithgareddau awyr agored ar gael yma. Mae dewis anhygoel o weithgareddau ar gael ym Mhlas y Brenin, y Ganolfan Fynydda Genedlaethol. Neu ewch tua glannau’r môr lle mae rhai o’r cyrchfannau gorau ar gyfer chwaraeon dŵr yn y DU. Gallwch sgïo, hwylio a syrffio.

Gwyliwch ein Fideo Adrenalin ac Antur yma.

Ac os yw hynny’n swnio fel petai’n ormod o waith, ymlaciwch a mwynhewch ychydig o ddiwylliant. Ewch i weld yr oriel gelf enwog yng Nghonwy, yr Academi Frenhinol Gymreig. Neu gallwch fwynhau perfformiadau o’r radd flaenaf ar lwyfan Venue Cymru.